Durante a reprodución dun filme, pode poñer o programa a pantalla completa. Deste xeito, utilízase toda a superficie do monitor para reproducir o filme. Ao mover o cursor durante o modo a pantalla completa, móstrase unha barra de ferramentas na parte superior da pantalla. Para entrar no modo a pantalla completa use o menú de Configuración, a acción da barra de ferramentas, faga clic duplo no vídeo ou use a tecla F.

Seleccione esta acción desde o menú de Configuración para axustar o Brillo, o Contraste, o Ton e maila Saturación. Estas opcións gárdanse por separado para cada vídeo, xunto co punto que se está a reproducir. Isto permite retomar a reprodución dun vídeo coa configuración seleccionada, e desde o punto no que estaba cando o pechou.

O atallo Av Páx avanza un 10%, Re Páx retrocede un 10%. Use Configuración → Conmutar o menú (R) para acceder ao menú do vídeo e seleccionar outro capítulo para reproducir. Reproducir → Reproducir/Pausa (Espazo) permite poñer en pausa e continuar a reprodución cando hai un filme cargado. Reproducir → Deter (S) detén a reprodución. Use Capítulo anterior (,) e Seguinte capítulo (.) no menú Reproducir para navegar entre os capítulos do filme.

Se está a reproducir vídeo cunha barra de ferramentas oculta, pode usar o atallo M para desactivar ou activar o son. Tamén pode usar o atallo V para mostrar ou ocultar o control desprazábel do volume na parte dereita do vídeo.

Este menú permítelle escoller as proporcións do filme que está a reproducir. As proporcións son a anchura dun filme en comparación coa súa altura.

Estes elementos do menú de Configuración actívanse cando hai subtítulos ou canles de son (por exemplo, con outros idiomas) dispoñíbeis para o filme actual. Teña en conta que podería ser necesario que a reprodución avance uns segundos para que os subtítulos ou as canles de son pasen a estar dispoñíbeis.